للناس اللي عاوزه تقفل كيمياء تركز معايا
انا هنزلكم مواضع الإمتحانات في كل باب ان شاء الله
الباب الأول: بص ي سيدي الباب الأول ده كله نظري يعني مطالب بالحفظ في الباب ده
عندك الاهميه الاقتصاديه لعناصر السلسه الأولي ودول لازم يجيب فيهم سؤال كل سنه السنه اللي فاتت في الدور الأول جاب سؤال علل فيهم
وممكن يجيب سؤالين فيهم برضو سؤال اذكر استخدام وده بيجي كل سنه الا السنه اللي فاتت في الدور الأول
-تاني حاجه الخاصية البارامغناطيسيه والخاصية الديامغناطيسيه ودول بيجي عليهم سؤال او اتنين كل سنه السؤال بيبقي عباره عن “حدد اذا كانت الماده …. بارا ام دياما “
وده عشان تحله لازم تكون عارف ازاي تتطلع اعداد الاكسده للعناصر من المركبات
-نجي لأهم حاجه في الباب الأول وهي معادلات الحديد ودي بيجي عليها سؤالين او تلاته وطبعا دول لازم تبقي حافظ المعادلات ومن كذا كيف نحصل ع كذا زي مثلا من اوكسلات الحديد اتنين كيف تحصل علي أكسيد الحديد اتنين
-مع مذاكره خفيفه كده ع باقي الباب يبقي انت كده ضمنت ٨ درجات في الباب التاني واهم الاسئله بتاعته اللي بتيجي في الامتحانات
نركز في اللي جاي:
-اولا الباب التاني ده بيتكلم عن التحليل الكيميائي والتحليل الكيميائي ده نوعين
-تحليل الوصفي (الكيفي)
-تحليل كمي
هنا بقي ممكن يجيب سؤال او اتنين ع الحته دي زي مثلا
١-مصطلح علمي لأنواع التحليل وجيه سؤال فيه السنه اللي فاتت
٢-ممكن يجيب مقارنه بين التحليل الكمي والكيفي ودي بنسبه كبيره ممكن في امتحان السنادي
*التحليل الكيفي (الوصفي)
في التحليل الكيفي بيجي كذا سؤال في الامتحان وده لازم يجيب منه سؤال او اتنين الاسئله عباره عن ايه !!! تعالي نشوف👇
-كواشف المجموعات ذاكرهم كويس جدا ولازم طبعا تبقي عارف تفرق بين كل مجموعه والكاشف بتاعها لأنك لو عرفتهم يبقي ضمنت أي سؤال يجيلك في التمييز بين أي عنصرين وبكدا يبقي انت ضمنت درجتين
*ملحوظه: عدد المجموعات التحليله ٤ مجموعات وكل مجموعه ليها كاشف يعني عندك
١-المجموعه الأولي ودي الكاشف بتاعها “حمض الهيدروكلوريك”
٢-المجوعه التحليليه الثانيه ودي الكاشف بتاعها “HCl”
٣-المجموعه التحليليه الثالثه ودي الكاشف بتاعها “هيدروكسيد الامونيوم”
٤-اسمها المجموعه التحليليه الخامسه ودي الكاشف بتاعها “كربونات الامونيوم”
*الادله المستخدمة في تفاعلات التعادل ودي مهمه جدا جدا وجات في امتحانات سابقه كتير ودي النقطه اللي بيلعب بيها المستشار في الامتحان ولازم تعرف كل دليل والالوان اللي بيعطيها في كل وسط “الوسط الحامضي – القاعدي – المتعادل ” ولازم تبقي عارف ازاي تميز بين كل دليل وفيه ادله بتعطي نفس اللون في كذا وسط
*اخر حاجه في الباب ده هي المسائل ودي طبعا لازم تبقي مذاكرها وحافظ القوانين بتاعتها
والباب ده بيجي فيه سؤال او ممكن اتنين
ذاكر كل قوانين الباب ده واسئلتهم وركز في مسائل “المعايره – الترسيب ” لان دول لازم سؤال منهم كل سنه وممكن يجو الاتنين مع بعض
كدا خلصنا الباب التاني واهم النقاط اللي بتيجي في الامتحانات
هيبقي فاضلك شويه النظري في الباب اللي هما التعريفات وعلل وكده ده ذاكرهم وبكده يبقي ضمنت درجات الباب ده
وربنا يوفقكم ياارب في الامتحان وتعدو كلكو وكل واحد يدخل الكليه اللي نفسه فيها اسماء علماء الكيمياء وانجازاتهم
👈 لوشاتيليه ⬅️ وضع قاعده لوشاتيله والتي تنص علي انه عند حدوث تغير في احد العوامل المؤثرة علي النظام المتزن مثل التركيز ودرجه الحراره والضغط فإن التفاعل ينشط في الاتجاه الذي يلغي او يقلل تاثير هذا المؤثر
👈 جولدن برج وفاج ⬅️ وضعا قانون فعل الكتله الذي يعبر عن العلاقه بين سرعه التفاعل الكيميائي وتركيز مواد التفاعل
👈 استفالد ⬅️ تمكن من ايجاد العلاقه بين درجه التائين والتركيز في محاليل الالكتروليتات الضعيفه
👈 فارادي ⬅️ وضع قوانين فارادي للتحليل الكهربي
👈 برزيليوس ⬅️ قسم المركبات الي عضويه وغير عضويه ووضع نظريه القوة الحيويه
👈 فوهلر ⬅️ استطاع ان يحضر مركب عضوي وهو اليوريا في المعمل او حطم نظريه القوة الحيويه