الوسم: ما هو الدور الثالث من يدخله

اولا لو لم ادخل الامتحان هذا العام فما الموقف

لك الحق دخول الامتحان العام القادم على اعتبارها محاولة أولى ولكن بعد إبلاغ الإدارة التعليمية التابع لها ومعرفة باقى الإجراءات وهذا لاى طالب وليس فقط لذوى الحجر الصحى

ثانيا ماذا أفعل إذا شعرت بالسخانة اوشعرت لقدر الله بأعراض كورونا أثناء الامتحانات

اذهب للجنة المادة التى عليها الدور عادى وهم أثناء الكشف بكاشف الحرارة سوف يعرضوك على دكتور اللجنة ثم ستذهب بعربة إسعاف إلى أقرب مستشفى على أن تؤجل الامتحانات التى لم تمتحنها إلى امتحان الدور الثانى ولكن بالدرجة التى تحصل عليها كاملة

ثالثاماذا لو لم اوفق فى امتحان الدور الثانى لزملاءى والدور الاول لى لانى محجوز فى الحجر أثناء بعض امتحانات الدور الاول

يكون لك الحق فى دخول امتحان آخر ملاحق بنصف الدرجة ما يسمى بالدور الثالث أو الدخول لعام القادم المواد التى اجلتها بالدرجة كاملة

رابعاماذا أفعل إذا مرضت لقدر الله بكورونا قبيل الامتحانات مباشرة ببضع ايام

تمتحن العام القادم على أنها اول محاولة بعد تقديم الورق الذى يثبت ذلك والمتابعة مع الإدارة التعليمية

خامسا ما الموقف إذا تعبت فى الامتحانات نتيجة شد عصبى أو أى تعب عادى

سوف يحضر الطبيب ويكشف عليك ويعطيك دواء واذا لم تستطيع اكمال الامتحان تاجله للعام القادم بضياع أحد فرصك

سادسا متى يستلم الطالب اوراق امتحانات المواد التى لا تضاف للمجموع ومتى يسلمها

• يستلم الطلاب البوكليت الخاص بمواد التربية الدينية والاقتصاد والإحصاء فور الإنتهاء من إمتحان اللغة العربية، وموعد التسليم متزامن مع موعد امتحان يوم الأحد ١٢ يوليو.
• يستلم الطلاب البوكليت الخاص بمادة التربية الوطنية فور الانتهاء من امتحان مادة اللغة الأجنبية الثانية، وموعد التسليم متزامن مع موعد امتحان يوم ٢١ يوليو.

سابعا هل أحاول أن اغش عبر الواتس أو بالقوة أو من زميلى ولا الحكاية السنة دى صعبة

**لطلاب الثانوية العامة.. لو ناوي تغش اعرف الآتي:-
لو هتشترك في جروب غش، على فيسبوك أو تويتر، وناوي تصور الامتحان وتبعته يتحل علشان توصلك الإجابات وانت جوه اللجنة، لازم تحط في اعتبارك حاجة مهمة جدا.. إنك هتتجاب من جوه اللجنة لو قاعد تحت الديسك.
كل سنة كان بيقى في اللجنة 20 و22 طالب، يعني ممكن الاتنين الملاحظين مايخدوش بالهم منك.. السنة دي حضرتك اللجنة فيها من 12 إلى 14 طالب، وكل طالب بينه وبين زميله متر ونص أو مترين، يعني فيه مساحات فراغ كبيرة داخل اللجنة مش هتعرف تخبي الموبايل ولا أي وسيلة غش تانية.
كل سنة كان بيبقى فيه رقم كودي لكل ورقة امتحان لو الطالب صور الورقة بيتعرف من الكود وبيتجاب من جوه اللجنة.. لكن بعض الطلبة كانت بتتذاكى على وزارة التعليم وتصور الورقة من غير ما الكود ما يظهر في الورقة.. السنة دي حضرتك فيه حاجة تانية غير الكود هتكون عبارة عن علامة مائية بحاجة معينة كده منتشرة في كل مكان بالورقة مش على الجنبين فقط.. علشان لو صورت جزء واحد من سؤال هتتجاب برضو وهيعترف مكانه وهيوصلولك في أقل من ربع ساعة.
لو ناوي تشتري الامتحانات من شاومينج وأمثاله اللي بيقولولك ابعت كارت شحن واعرف حاجات من الامتحان.. ياريت توفر على نفسك تعبك وتعب أهلك، مفيش كلمة من الامتحان هتتعرف قبل معاد اللجنة.. لأن كل الأجهزة الأمنية والعسكرية بالمخابرات كمان، مشاركة في التأمين والامتحانات مطبوعة في جهات سيادية، يعني لا كارت شحن ولا تسريب.. انسى الكلام ده.
أي ورقة امتحان تلاقيها منشورة على السوشيال ميديا تجاهلها تماما ولا تقف عندها واعرف إنها كذب مليون المائة، ده نصب حضرتك، ووفر على نفسك الوقت وبلاش تنتظر بيان الوزارة علشان ينفي صحة الورقة.. ركز في مذاكرتك وبس.
لو ناوي تعمل غير كده.. هتسقط في المادة وكل المواد.. وهيطبق عليك قانون الغش الإلكتروني وهيتعمل لك قضية كمان. فياريت تاخدها من قاصرها وبلاش تضيع مجهودك ومجهود أهلك طول السنة وادخل الامتحان وحل وانت معزز مكرم كده.
لو انت بتمتحن في اللجان اللي كل سنة بيعتدوا على المراقبين وبيغشوا بالقوة وتبقى أهاليهم واقفين برة اللجان علشان يرعبوا المراقبين.. السنة دي حضرتك تم تركيب كاميرات مراقبة في اللجان دي.. ومعرفة بالاسم يعني مثلا في كفرالشيخ سوهاج أسيوط قنا إسكندرية وهكذا، يعني لو ناوي تغش بالقوة علشان السنة اللي فاتت غشوا بالقوة المراقب مش هيقولك حتى انت بتعمل ايه.. الكاميرات جايباك انت وكل اللي معاك يا عزيزي وهتسقط في كل المواد وملكش دور تاني حتى.. لو مش مصدق كلامي انتظر أول يوم وهتلاقي نفسك متصور صوت وصورة والكاميرات ملغمة في اللجنة.
حاجة أخيرة.. لو ناوي تغش من زميلك اللي قدامك أو اللي وراك.. لازم تبقى عارف كمان إن كل لجنة هيبقى فيها أربع نماذج بوكليت.. كل بوكليت فيهم أسئلته مختلفة عن التاني.. يعني بوكليت اللي قدامك أو اللي وراك غير البوكليت اللي معاك.. صحيح الامتحان واحد بس ترتيب الأسئلة مختلفة.. يعني لما تقوله اديني إجابة السؤال العاشر هيكون عنده السؤال العاشر مختلف عن اللي عندك.. يعني برضو ادخل وركز في امتحانك وبس، لا تفكر في غش موبايل ولا تعمل ناصح وتصور ورقة ولا تفكر تغش من اللي جمبك لأنك لو عملت كده هتسقط.

ملخص ما ذكرة وزير التربية ونائب بخصوص الثانوية العامة

قال الدكتور رضا حجازي، نائب وزير التربية والتعليم لشؤون المعلمين، ورئيس امتحانات الثانوية العامة، ردًّا على استفسارات الطلاب الراغبين في تأجيل الامتحانات للعام المقبل، إن الوزارة أتاحت للطالب أن يختار حضور الامتحان هذا العام أو التأجيل للعام المقبل، على أن يعامل كأنه أول محاولة؛ كاستثناء قانوني نظرًا للظروف التي نمر بها حاليًّا.

وقال حجازي، إن الطالب الذي يرغب في تأجيل الامتحانات إلى العام المقبل عليه الذهاب إلى قسم شؤون الطلاب بالإدارة التعليمية التابع لها، لتقديم طلب بالتأجيل.

وأعلنت وزارة التربية والتعليم والتعليم الفني إمكانية تأجيل الامتحان للطلاب إلى الدور الثاني بالدرجة الفعلية حال وجود لجنة سير الامتحان في نطاق الحجر الصحي بأية منطقة.

كما يتم السماح بدخول الدور الثاني بالدرجة الفعلية للطالب الذي يثبت عدم سلامته الصحية مع ارتفاع في درجة الحرارة، بناء على التقرير الطبي.

وكان قد أعلن الدكتور طارق شوقي عن بعض القرارات المتعلقة بالامتحانات وهي:

1- تأجيل الامتحان للطلاب إلى الدور الثانى بالدرجة الفعلية حال وجود لجنة سير الامتحان في نطاق الحجر الصحي بأي منطقة.

2- السماح بدخول الدور الثانى بالدرجة الفعلية للطالب الذى يثبت عدم سلامته الصحية مع ارتفاع في درجة الحرارة، بناء على التقرير الطبي.

3- في حال حدوث اشتباه لأحد الطلاب أثناء انعقاد اللجنة يعرض الأمر على “المسئول الصحي” لتحديد خروجه أو بقائه في اللجنة وفقًا للتقرير الطبي، فى حال خروجه يتم نقله إلى المستشفى بسيارة الإسعاف لتحديد حصول الطالب على الدرجة الفعلية وفق تقرير المستشفى.

4- الطالب الذي يتأخر عن الساعة التاسعة لا يسمح له بدخول الامتحان ويعتبر غائبًا.

5- السماح للطلاب الذين لم يؤدوا الامتحان نظرًا لظروف قهرية (حجر صحى – إصابة الطالب بالكورونا) بدخول امتحان الدور الثاني ويعتبر لهم (امتحان دور أول) ويسمح لهم في حالة الرسوب في مادة أو مادتين بدخول (امتحان دور ثان) يحدد موعده لاحقًا.

6- يمكن للطالب أن يختار حضور الامتحان هذا العام أو التأجيل للعام القادم على أن يعامل كأنه أول محاولة كاستثناء قانوني نظرًا للظروف التي نمر بها حاليًا.

كما أعلن الدكتور طارق شوقي عددًا من الإجراءات الخاصة بالمواد غير المضافة للمجموع، والتي سيتم إجابتها من المنزل،وهي:

1- يستلم الطلاب البوكليت الخاص بمواد التربية الدينية والاقتصاد والإحصاء فور الإنتهاء من امتحان اللغة العربية، وموعد التسليم متزامن مع موعد امتحان يوم الأحد 12 يوليو.

2- يستلم الطلاب البوكليت الخاص بمادة التربية الوطنية فور الانتهاء من امتحان مادة اللغة الأجنبية الثانية، وموعد التسليم متزامن مع موعد امتحان يوم الثلاثاء 21 يوليو.

كما أعلن وزير التربية والتعليم والتعليم الفني عددًا من الإجراءات الخاصة بطلاب الشهادات الدولية، وهي:

1- يستطيع طلاب الشهادات الدولية الحصول على امتحاني اللغة العربية والتربية الدينية من مدرسته يوم 21 يونيو بعد الساعة الواحدة ظهرًا.

2- يستطيع طلاب الشهادات الدولية الحصول على امتحان مادة التربية الوطنية من مدرسته يوم 14 يوليو بعد الساعة الثالثة عصرًا.

وأعلن الدكتور طارق شوقي وزير التربية والتعليم، عن إطلاق منصة مراجعات نهائية لطلاب الثانوية العامة تشمل محتوى تعليمي (فيديوهات للمراجعات النهائية) من الآن وطوال فترة الامتحانات، متوفرة مجانًا برعاية الشريك الاستراتيجي البنك الأهلي المصري، وذلك عبر الرابط https://www.thanaweya.net